Претседателот на Сојуз на стопански комори на Македонија, Данела Арсовска на вториот ден на 20. Евроазиски економски самит во Истанбул, Турција, беше почесен гостин во рамки на панел сесијата посветена на бројните предизвици со кои човештвото се соочува во 21 век, заедно со Н.Е. Сафет Софтиќ, претседател на собранието на ИЗ во БиХ, д-р Акан Сувер, претседател на МГФ, Н.Е. Бегјан Какајанов, заменик министер за економија на Туркменистан и Н.Е. Кенан Храповиќ, министер за здравство на Црна Гора.
На вториот ден од Самитот, свое обраќање имаат и претседателот на Република Македонија, Н.Е. Ѓорге Иванов, Н.Е. Бујар Нишани, претседател на Република Албанија и Н.Е. Хајнц Фишер, поранешен претседател на Австрија.
Арсовска истакна дека во ера на технолошки напредок фокусот е изместен и наместо да делуваме кон зголемување на економскиот развој, човештвото е на тест пред предизвици со кои не би требало да се соочуваме во 21 век.
Посочи дека, бегалската криза и опасноста од тероризам претставуваат вистински пример за тоа како безбедносните закани станаа реалност не само за Европа и Азија, туку и за целиот свет.
„Човештвото на крстосница“ е темата на 20. Евроазиски економски самит во Истанбул каде претседатели на држави и влади, како и истакнати високи владини претставници дискутираат. Овој стратешки економски самит на највисоко ниво се организира од 1998 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
