Прилепчани им порачаа на пратениците: Ние ви го дадовме мандатот, ние може да ви го одземеме!

Прилепчани повторно во голем број излегоа на улиците на својот град и дадоа голема поддршка за граѓанската иницијатива „За заедничка Македонија“.

Пред прилепчани се обрати претставник на ловџиите, кој порача дека пратениците треба да се ослободат од канџите и да кажат големо патриотско „НЕ“ за тиранската платформа.

-Порака до сите пратеници, ако за време на изборите ви дадовме мандат за подобар живот, никако не ви дадовме да ни ја распарчувате државата и бидете свесни, како што ви се даде така може да ви се одземе мандатот. Силата на избирачите е на денот на изборите, а на пратениците низ мандатот, затоа ги замолуваме да се ослободат од канџите на вашите лидери и кажете го вашето големо патриотско „НЕ“ за тиранската платформа, изјави претставник на прилепските ловџии.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.