Китаровиќ: Заедничкиот јазик умре заедно со Југославија

Претседателката на Хрватска Колинда Грабар-Китаровиќ во Сплит изјави дека декларацијата за заеднички јазик е нешто сосема маргинално,  за што не треба да се дискутира.

– Денес во Хрватска има толку многу проблеми, повеќе од 40.000 работни места висат на конец и повеќе од 100 илјади лица се поврзани со кризата што ја претрпува „Агрокор“ и од тоа зависи нивната егзистенција, нагласи Китаровиќ, од која новинарите бараа коментар во врска со Декларацијата за заеднички јазик. Декларацијата за заеднички јазик, што беше претставена вчера во Сараево, е создадена по регионалната конференција „Јазици и национализам“.  Во декларацијата, меѓу другото, стои дека Босна и Херцеговина, Црна Гора, Хрватска и Србија „користат стандарден јазик од полицентричен тип“ и дека „четири називи за стандардни варијанти не значи дека се тоа четири различни јазици“.

Инсистирањето на малобројни постојни разлики и насилното раздвојување на четири стандардни варијанти доведува до повеќе негативни социјални, културни и политички појави, се наведува во декларацијата.   Потписниците на Декларацијата бараат елиминација на сите форми на јазична сегрегација и дискриминација во образованието и јавните институции.  Противниците на декларацијата наведуваат дека со неа се негира идентитетот на народот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.