Пратеникот Илија Димовски од ВМРО-ДПМНЕ во процедурална расправа со пратеникот Зијадин Села од собраниската говорница му порача дека доколку сакале албанските партии да покажат дека се грижат и сакаат добар соживот во Република Македонија ја имале таа шанса кога ја составувале тиранската платформа со премиерот на Албанија, Еди Рама.
Имено, Димовски го запраша Села зошто, доколку сакал да покаже дека се грижи и за Македонците на таа средба не побарал од официјалните власти во платформата да стои и дека Албанија ќе ја признае Република Македонија под уставното име и ќе бара гаранции од Албанија дека македонското малцинство во Албанија ќе може да ги ужива истите права што ги уживаат Албанците во Република Македонија.
Димовски нагласи дека во тој случај на оваа платформа ќе се гледаше како на подадена рака од Албанците и сите заедно ќе градевме едно мултиетничко општество во кое сите ќе беа задоволни, овака како што е во моментот преставена тиранската платформа се наметнува малцинската волја над волјата на мнозинството.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
