Марин Лер Пен: ЕУ ќе умре, глобалистите ќе бидат уништени

Европската унија ќе умре, а глобалистите ќе бидат уништени, изјави лидерот на францускиот крајнодесничарски Национален фронт и кандидат за претседател на Франција, Марин ле Пен во градот Лил, во северниот дел на земјата.

– ЕУ ќе умре, бидејќи луѓето не ја сакаат. На арогантните и хегемонистичките империи им е пишано да загинат, рече Ле Пен.

– Дојде време за уништување на глобалистите, истакна таа и ги обвини своите политички ривали, центристот Емануел Макрон и конзервативецот Франсоа Фијон за предавство поради нивните политички платформи за поддршка на ЕУ и пазарната економија.

– Претседателските избори во Франција се следната фаза од глобалниот бунт на луѓето, по Брегзит и победата на Доналд Трамп на претседателските избори во САД. Вистинскиот влог во Франција ќе биде преживувањето или смртта на ЕУ. Тие ќе бидат своевиден референдум, додаде Ле Пен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.