Македонците од Детроит кажаа: „НЕ“ на Тиранската платформа, „НЕ“ на разнебитена Македонија!

Македонците од Детроит денеска го кажа своето „НЕ“ на Тиранската платформа, „НЕ“ на разнебитена Македонија, „НЕ“ на менување на знамето, химната, државниот грб, како и менување на Уставот, „НЕ“ на растурањето и уништувањето на нашата татковина, соопшти Македонската заедница во Детроит.

Со силна поддршка и со јасен став не сакаат да помислат дека нивната татковина ќе се менува и упатуваат порака до сите релевантни фактори, како и до сите политички партии да внимаваат какви чекори преземаат за решавање на иднината на Македонија, за иднината на македонските поколенија и сите идни генерации кои што ќе живеат и опстојуваат на ова парче земја.

-Македонија ја сакаме мултикултурна и мултиетничка, онаква како што и секогаш била, се вели во соопштението на Македонската заедница од Детроит.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.