Денеска не очекува променливо облачно време, а во пладневните часови се очекуваат повремени врнежи од дожд со услови за ретки грмежи. Кон крајот на денот и во текот на ноќта на планините ќе провејува повремен снег.
Ќе дува и умерен, во западните делови повремено засилен западен ветер, кој кон крајот на денот ќе преминува во постуден северен ветер.
Утринската температура ќе се движи од 2 до 9 степени, додека дневните ќе бидат во интервал од 11 до 23 степени.
Во Скопје и околината слично време со утринска температура околу 7 и дневна до 21 степен.
Од понеделник температурите позначително ќе опаднат, ќе има и повремени врнежи од дожд претежно во југозападните и јужните делови, а на планините и на некои повисоки места врнежите ќе бидат од снег. Потоа ќе преовладува стабилно време со ниски утрински температури (во средината на неделата од -2 до 4 степени), а дневните ќе бидат во постепен пораст.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
