Лондон: Со автомобил покосил десетина луѓе на мост, а потоа се нафрлил со нож на полицаец

Непознат напаѓач со автомобил покосил десетина луѓе на мостот Вестминистер во Лондон, а потоа со нож ранил полицаец на влез во Парламентот на Велика Британија, јавуваат медиумите на таа земја.

Иако на почетокот се мислело дека се работи за два одделни инциденти, новинарката на „Дојче веле“ јавува дека само едно лице е одговорно за двата драматични моменти. Напаѓачот е ранет.

Полицијата ја блокирала околината и додаде дека овој напад се третира како „терористички чин“ се додека не се докаже спротивното.

Засега мотивите не се познати.

Агенцијата „Ројтерс“ објавува дека има „десетина повредени’ и дека на улицата лежат „неколку луѓе кои крварат“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.