Teшко повредени два мотоциклисти и еден сопатник

Три лица се тешко повредени, од кои двајца мотоциклисти се задржани во болница, вчера во две сообраќајки во кои учествувале мотоцикли.

Во 18.20 часот во Велес, на ул. „Благој Ѓорев“ се случила сообраќајна незгода во која седумнаесетгодишник од Велес, управувајќи мотоцикл „херц 200 цм3“ без регистарски ознаки, изгубил контрола над истиот и удрил во бетонски sид. Во незгодата возачот и, исто така, седумнаесетгодишниот сопатник од Велес се здобиле со тешки телесни повреди. Со возило на Итна медицинска помош биле пренесени во Јавната здравствена установа Велес, но поради сериозноста на повредите, возачот бил пренесен во КАРИЛ-Скопје. Увид на местото на настанот извршила увидна екипа на СВР-Велес.

Во 15.30 часот, пак, во Скопје, на крстосница од регионалниот пат Скопје-Велес и ул. .„2“ -Јурумлери, се случила сообраќајна незгода помеѓу автомобил „застава 128“ со скопски регистарски ознаки, управувано од Д.Т. (28) од Скопје и мотоцикл „јамаха“ со скопски регистарски ознаки, управуван од К.С. (20) од Скопје. Во незгодата К.С се здобил со тешки телесни повреди, по што со возило на Итна медицинска помош бил пренесен ГОБ „8-ми Септември“, каде му бил укажана лекарска помош и е задржан на понатамошно лекување. Увид на местото на настанот извршила екипа на СВР Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.