Мобилното студио на ТВ Нова брендирано во знак на револт (ФОТО)

ТВ НОВА со брендирано мобилно студио во знак на револт и денеска протестираше против притисокот што Специјалното јавно обвцинителство го врши врз медиумот, преку политички прогон на нејзиниот сопственик Сеад Кочан.

На протестот што денеска се случуваше пред Здружението на новинари на РМ (ЗНМ) , од името на телевизијата говореше главната и одговорна уредничка Билјана Василева Трендафилова која освен што го повтори ставот дека СЈО со случајот на Кочан сака да направи удар врз ТВ НОВА, ги повика и новинарските здруженија да ја поддржат телевизијата.

„Во однос на здруженијата и новинарските асоцијации, засега рекација имаше единствено од МАН и независниот новинарски синдикат. Ги нема оние коишто се обично се гласни. Очекуваме дека ЗНМ ќе го прекинат молкот. Очекуваме дека ќе се разбудат сите новинарски здруженија што молчат. Бараме да работиме мирно и без притисоци“, истакна Василева Трендафилова.

Трендафилова потсети и дека во текот на вчерашниот ден, уредничкиот тим на ТВ НОВА се обиде да стапи во контант со еврокомесарот Јоханес Хан и да му ја објасни состојбата, меѓутоа тој немаше време да ги сослуша.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.