Бан Ки Мун предупредува: Сирија се распаѓа, се раѓа радикализам

Додека сирискиот претседател Башар ал Асад објави дека почнале да пристигаат руските ракетни системи С-300, генералниот секретар на ООН, Бан Ки Мун апелираше светот да ја поддржи руско-американската иницијатива за преговори меѓу власта и опозицијата.

Бан додава дека конфликтот во Сирија има длабоки политички корени кои не можат да се решат со воени средства, сѐ додека внатрешните и надворешните поддржувачи не ја отфрлат можноста дека военото решение е можно.

– Сирија се распаѓа пред наши очи. Хаосот создава поволна почва за радикализмот и сѐ повеќе ѝ се заканува на регионалната стабилност. Ги повикувам сите земји да го искористат своето влијание за да придонесат за пресекување на доставките на оружје и да ги убедат странските групи да ги повлечат своите борци од Сирија – вели Бан Ки Мун во порака до средбата во Техеран, посветена на Сирија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.