Претседателот Иванов ја одложува посетата на Австралија

Претседателот на Република Македонија, Ѓорге Иванов донесе одлука за одложување на посетата на Австралија, велат од неговиот кабинет.

Од таму посочуваат дека политичката состојба во земјата и тензиите меѓу ЕУ и Турција за прекин на договорот за емигрантите се причините поради кои претседателот Иванов нема да ја реализира посетата на Австралија.

Посетата предвидуваше средби на македонскиот претседател со државниот врв на Австралија, велат од кабинетот на шефот на државата. Иванов требаше да оствари средби со генералниот гувернер, премиерот, претседателот на Парламентот, претседателот на Сенатот, со претставници на македонско-австралиската група на пријателство во Парламентот на Австралија, како и со претставници на македонската заедница во Австралија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.