Конечно потопло: Еве кога очекуваме температура над 20 степени

Времето претпладне во Македонија ќе биде облачно со слаб локален дожд, а на некои планини со слаб снег. Попладне врнежите ќе престануваат и облачноста ќе се намалува. Ќе дува слаб до умерен, а долж Повардарието повремено и засилен ветер од северен и северозападен правец.

Утринската температура ќе се движи од еден до осум, а дневната од осум до 16 степени.

Во Скопје променливо облачно, во утринските часови со услови за слаб дожд, но во текот на денот облачноста ќе се намалува. Утринската температура ќе се спушти до четири, а дневната ќе се искачи до 12 степени.

До сабота времето ќе биде сончево со умерена облачност. Утринските температури наместа ќе се спуштат под нулата, така што во петок се очекува тие да се движат од три до пет, а во сабота од минус четири до три степени. До петок ќе дува умерен повремено засилен северен ветер. Преодно зголемување на облачноста со слаб локален дожд ќе има во недела. Дневните температури ќе бидат во покачување особено за време на викендот и во почетокот на наредната недела кога наместа ќе достигнуваат и над 20 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.