„Коха диторе“: Тачи не ја почитувал процедурата при поднесување на законот за косовските сили

Косовскиот претседател Хашим Тачи не ја почитувал процедура за време на поднесување на нацрт-законот за трансформација на Косовските сили за безбедност во армија на Косово до претседателот на косовското Собрание, објави „Коха диторе“.

– Кога Тачи го поднесувал нацртот до Вејсели, поднел само писмо. Собраниски прописи бараат со секој таков чекор да се достави и објаснување за целите на законот, усогласување со применети закони и оправдување на одредби од законот, објаснува весникот.

Освен тоа нацртот морал да содржи заклучоци во врска со буџетот како и за тоа дали е во согласност со закони во ЕУ.

Меѓутоа, ниту еден од тие документи не биле дел од нацртот што Тачи го доставил до Вејсели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.