Патеката во Сочи останува во календарот на Формула 1 до 2025 година

Сочи останува во календарот на Формула 1 до 2025 година, откри рускиот вицепремиер Дмитриј Козак за руските медиуми. Актуелниот договор за организација на трката за ГН на Русија со раководството на Ф1 беше до 2020 година, но, според најавите, веќе е договорена продолжена соработка и во наредните пет години.

Русија стана ден од светскиот шампионат во Формула 1 во 2014 година. Најдобрите возачи во Ф1 досега трипати се натпреваруваа за ГН на Русија на патеката во Сочи. Иако нема многу Руси во Ф1, руската трка, како што се чини, ги задоволува вкусовите и интересите на челните луѓе во Ф1, кои решија да остане на календарот на подолг рок.

Од возачите, на патеката во Сочи досега најуспешен е Луис Хамилтон. Британскиот возач во тимот на Мерцедес триумфираше на трката за ГН на Русија во првите две изданија, во 2014 и во 2015 година. Лани на победничкиот подиум се искачи актуелниот шампион, Нико Розберг кој по освојувањето на шампионската титула реши да се повлече од настапите во Формула 1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.