Манчестер Сити ја купува НАК Бреда

Премиерлигашот Манчестер Сити ќе ја купи НАК Бреда од холандската втора лига за во иднина да ги испраќа своите најталентирани млади фудбалери во оваа филијала, која ќе негува фудбал ист како екипата од „Итихад“.

Помладите талентирани фудбалери кои се под договор со „граѓаните“, а не се жители на Европската унија и за нив клубот не може да обезбеди британска работна дозвола, во Холандија ќе имаат можност за развивање и континуирани натпревари.

НАК Бреда со децении играше во првата холандска лига, но се соочи со финансиски проблеми и испадна од најсилната категорија. Сепак, со млади фудбалери кои потекнуваат од Манчестер Сити може експресно да се врати и да игра важна улога во холандскиот фудбал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.