Умерено облачно со слаб ветер и температура до 16 степени

Времето во Македонија ќе биде сончево со умерена облачност и слаб јужен ветер. Утринската температура ќе се движи од минус два до пет, а дневната од седум до 16 степени.

Во Скопје слично време, сончево со умерена облачност, утринската температура ќе биде нула, а дневната ќе се искачи на 16 степени.

Во следните два дена ќе преовладува стабилно време со пораст на дневната температура на воздухот. Во среда се очекува брз продор на влажна и постудена воздушна маса од север, кој ќе предизвика локални врнежи од дожд, а на повисоките планини снег. Ќе дува умерен до засилен ветер од југозападен, а попладне од северозападен правец. Дневната температура ќе опадне за неколку степени.

До крајот на неделата се очекува стабилно и потопло време.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.