Груевски: Заев нека удри по мене, само нека ја остави Македонија

Претседателот на ВМРО-ДПМНЕ, Никола Груевски му нуди на лидерот на СДСМ Зоран Заев малцинска влада и поддршка од ВМРО-ДПМНЕ доколку се откаже од платформата на албанските партии и уривање на националните интереси.

– Му порачувам на Заев и му давам јасна понуда, доколку по секоја цена е решен да стане премиер и доколку цената треба да се работи кои ќе им направат штета на темелите на државата, дека лично му нудам доколку албанските партии го донесат на власт, ако се откаже од спроведувањето на таа агенда, ќе му дадеме поддршка да биде малцинска влада во период во кој ќе се договориме, и ќе има поддршка за сите закони освен оние за редефинирање на државата, кои се понижување на другите етнички заедници. Ќе има поддршка за се освен ако се работи за закони кои удираат на темелите на нашата држава, за се друго ако го донесат албанските партии на власт ние сме тука да застанеме, да му дадеме поддршка и да има 100 пратеника кои ќе го поддржуваат само да запре со уривање на националните и државните интерси, дециден е Груевски.

– Ако му е голема желба да нѐ малтретира, да не апси, еве јас се пријавувам за прв доброволно, нека ме малтретира, апси, нека удри по мене, само нека ја остави државата, вели претседателот на ВМРО-ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.