Фатени 15 мигранти во возило на автопатот Гевгелија-Скопје

При контрола на патничко возило на автопатот Гевгелија-Скопје во близина на село Удово, вчера полицијата открила група од 15 мигранти, меѓу кои седум лица и едно дете од Ирак, пет лица и едно дете од Сирија и едно лице од Пакистан.

Како што информира МВР, вчера во 07:20 часот полициски службеници на автопатот Гевгелија–Скопје во близина на месноста викана .„Авлак“ забележале возило „крајслер“ со велешки регистарски ознаки, со повеќе лица, кое со голема брзина се движело во правец на Скопје.

Полицијата го запрела возилото во близина на Удово, кај месноста викана „Блок 400“, при што возачот побегнал, а при преглед на возилото било утврдено дека регистарските ознаки се од товарно возило „хундаи Н-100“, кои на 31 јануари годинава година биле пријавени за украдени.

Во возилото биле затекнати 15 лица-мигранти, кои се приведени во Полициска станица за Граничен премин Богородица и по разговор од страна на полициски службеници при Регионалниот центар за гранични работи-Југ деташирани во Гевгелија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.