Петрески одбива да ја коментира истрагата против него

Поранешниот градоначалник на Охрид, Александар Петрески, се воздржува од коментари, по вчерашната изјава на директорот на Бирото за јавна безбедност, Митко Чавков, дека има основа на финансиски криминал и корупција од поранешните власти на Oпштината, пренесува „Охрид њуз“.

– Јас седум години работев под постојана контрола на инспекциските органи, државната ревизија и полицијата, кои го проверуваа целокупното работење на локалната самоуправа, но останувам доследен на принципот дека нема да коментирам ништо што е поврзано со работата на Општината во првите 100 дена од мандатот на новата градска власт – изјави Петрески за „Охрид њуз“.
Вчера, Чавков најави дека ќе се испитува работењето на претходната администрација во Општината.
– Засега, тоа е во форма на сомневање, но тоа е доволно за да се интензивираат активностите и да се продлабочат истражувањата – рече Чавков.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.