Баварија забрани прекривање на лицето со вел

Баварската Влада одобри предлог закон со кој се забранува жените целосно да го прекриваат лицето со вел на јавни места.

– Прекривање на лицето со вел ќе биде забрането во јавните служби, на универзитети, во училишта, градинки, во секторот за јавна безбедност и ред и на избори, соопшти Владата.

Баварскиот министер за внатрешни работи изјави дека муслиманка која го прекрива лицето со вел постапува спротивно со германската култура на комуницирање.

Баварија беше прва „точка“ за влез на стотици илјади бегалци и мигранти во Германија во 2015 година. Баварскиот премиер Хорст Зехофер е еден од најгласните критичари на политиката на отворени врати за мигрантите спроведена од канцеларката Ангела Меркел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.