Најдобрата диета во светот одбрана од лекари и психолози

Според мислењето на 22 доктори и психолози кои се членови на жирито во изборот на најдобра диета на годината, за диета – победник за 2015 година е прогласена, веќе шестта година последователно, диетата наречена Даш. Второто место и припадна на Медитеранската диета, а третото на диетата на клиниката Мајо и Веит Вочерс (двете популарни диети го делат третото место).

Комбинацијата од протеините, овошјето, зеленчукот и житариците, која што се препорачува во рамките на диетата „Даш“ (DASH) или „Dietary Approaches to Stop Hypertension”, го воодушевила жирито од 22 доктори и психолози.

Првичната цел на оваа диета е намалувањето на крвниот притисок, а покрај тоа, станува збор за диета која има висока прехранбена вредност, односно ја нуди најдобрата комбинација од нутриенти од сите модерни диети.

Така, оваа диета содржи многу Б12 и калиум, состојки кои што се ретко присутни ка поголемиот дел на диети. Исто така, се препорачуваат помали количини на сол, не повеќе од 1,5 грама за луѓето постари од 51 година.

Авторка на диетата е американската нутриционистка Марла Хелер, која планот за исхрана го организирала во две фази, па така, додека поголемите диети имаат штетно влијание врз целокупното здравје, оваа диета претставува револуционерен начин на слабеење.

Хелер објаснила дека суштината на диетата е концентрирањето на типот на храната кој се внесува во организмот, па така, најважно е да се одберат немасни протеини и здрави маснотии, кои што даваат чувство на заситеност и го контролираат апетитот.

Затоа не треба премногу да се размислува за јадењата кои што треба да ги избегнуваат оние кои што ќе се одлучат да ја применат диетата.

Две фази за намалување на конфекцискиот број

Се со цел да се постигне посакуваната цел, рамниот стомак, намалувањето на крвниот притисок и забрзувањето на метаболизмот, неопходно е луѓето строго да се придржуваат до двонеделниот план за исхрана, а потоа да се продолжи со втората фаза.

Она што е особено важно е тоа што во текот на првите 14 дена, луѓето мораат да се воздржуваат од внесот на јаглехидрати, па така, во текот на првите две недели, не смее да се јаде овошје и житарици од цели зрна, додека пак протеините, односно немасното месо и рибата, зеленчукот кој не содржи скроб, сирењето со помала количина на масти и јаткастите плодови, се и тоа како добредојдени.

Во втората фаза започнува воведувањето во исхраната на житариците од цели зрна, овошјето и зеленчукот кој содржи скроб. Луѓето најчесто слабеат повеќе од два килограми во текот на две недели, односно помеѓу 4,5 и 15 килограми во периодот од два месеци.

Диетата, како што навела и самата авторка, пред се ги отстранува масните наслаги околу стомакот, кои се резултат на внесот на преголеми количини на јаглехидрати.

Корисни совети

Консумирајте намерници богати со протеини, а во оваа група спаѓаат немасното месо, рибата и преработените производи, гравот, леќата, сојата, намази со ниско ниво на масти, јајца, незасладен јогурт.

Внесувајте намерници кои содржат омега-3 и незаситени масти, како што се авокадото, растителните масла, особено маслиновото масло, како и маслото од јаткастите плодови.

Избегнувајте ја храната богата со скроб, освен гравот. Значи, одбегнувајте го консумирањето на леб, тестенини, компир, ориз, сите намерници пржени во тесто, слатки јадења, во кои што е вклучено и овошјето, без оглед на тоа дали е свежо, смрзнато, сушено или конзервирано. Секако, се препорачува и одбегнување на алкохолот, пијалаците со кофеин и млекото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.