Околу 1.500 Мексиканци, формирајќи жив штит, протестираа поради плановите на американскиот претседател Доналд Трамп да изгради ѕид долж границата на САД со Мексико.
– Рака за рака, ние го покажавме националното единство, кое не прави разлика меѓу луѓето, изјави мексиканскиот сенатор Армандо Риос Питер, кој присуствуваше на протестот заедно со други политичари и со студенти.
Живиот ѕид беше формиран покрај реката Рио Гранде, во близина на градот Сиудад Хуарес. На протестот учествуваше и градоначалникот на Ел Пасо, град во американската држава Тексас.
Трамп претходно изјави дека изградбата на ѕидот долж границата ќе започне за неколку месеци и дека САД очекува парите за изградбата да бидат вратени од Мексико.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
