Денеска е Св. Кир и Јован: Запалете свеќа и помолете се, тие помагаат на целото семејство!

Денеска е Св. Кир и Јован, бесребреници и чудотворци. Денес се празнуваат Светите Кир и Јован, светата маченичка Трифена и Преподобен Никита Печерски.

Во Црквата бесребреници се нарекуваат лекарите на душите и телата, кои лечеле повеќе со силата на Светиот Дух отколку со помош на лекарската рецептура, и директно ги следеле Христовите зборови: бесплатно добивте, бесплатно давајте. Меѓу нив е и александрискиот христијански лекар и чудотворец Кир, заедно со неговиот подоцнежен соработник, војникот Јован. Со своето делување Кир моногумина обратил кон верата во Христос, со што ја заработил омразата на римските власти. Свети Кир и Јован пострадале за Христа за време на Диоклецијановите прогони.

Денеска овие светци помагаат на сите на кои им е потребна помош. Помагаат на оние на кои другарството им е во искушение. АКо е право и искрено, тие ќе ви помогнат. Запалете свеќа и од нив побарајте помош и ако имате проблеми со несоница.

Запалете свеќа и помолете се бидејќи се смета дека овие светци помагаат на целото семeјство. Легендата вели дека тоа носи здравје и среќа за целото семејство. Христијаните веруваат дека Кир и Јован им помагаат на болните. Моштите на овие два светци се сметаат за чудотворни а црквите чуваат списи за бројните неверојатни исцелувања.

Свети Кир и Јован се сметаат за заштитници на братската љубов и искреното пријателството.

Се верува дека тие им доаѓаат на помош на сите оние чие пријателство е ставено на искушенија. Ако пријателството е вистинско и искрено, Свети Кир и Јован помагаат секоја неволја да биде надмината.

Се верува дека тие ќе ги заштитат сите оние кои ќе се помолат денеска.

Затоа треба да се изговорат овие зборови

„Чудата на светите Твои маченици ни ги подари нас како цврста карпа, Христе Боже. Со нивните молитви разори ги советите на злонамерните и дај му сила на жезолот на царството свето како Единствен Благ и Човекољубец.“

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.