Седумдесет и три проценти од Србите не би војувале со Косово

Косово прогласи независност во февруари 2008 година и досега е признато од околу 110 држави во светот. Србија не ја признава неговата независност и го смета за своја јужна покраина.

Седумдесет и три отсто од анкетираните сметаат дека не треба да се влегува во војна со Коосо, десет отсто сметаат дека треба да се војува со Косово, а 17 отсто одговориле дека „не знаат“.

Според истражувањето дури и мнозинството од десничарските партии, како Српската радикална партија и Двери не се подготвени да фатат оружје в рака поради поранешната српска покраина.

Највоинствени се младите меѓу 15 и 29 години, од кои 15 отсто би тргнале во војна за Косово, покажува анкетата, изработена со поддршка на норвешкото Министерство за надворешни работи од 26 декември до 14 јануари на примерок од 1.403 полнолетни државјани на Србија.

Што се однесува до членовите на политичките партии, 70,6 отсто од анекетираните од Српската прогресивна партија сметаат дека не е оправдано да се војува со Косово, кај Демократската партија тој процент е 86, 5, а истиот став го имаат и 70,2 отсто од приврзаниците на Социјалистичката партија на Србија.

За Косово не би војувале ниту 57,5 отсто од анекетираните од Двери, 87 отсто од приврзаниците на Либерално-демократската партија и 50 отсто од Српската радикална партија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.