Компанијата „Мозила“ во 2013 година го пласираше својот оперативен систем „Фајрфокс“, кој требаше да продолжи таму каде што застана „вебос“, но сега реши да се откаже од него.
За разлика од „Епл“ и „Гугл“, кои се фокусираа на карактеристиките на своите софтверски и хардверски подобрувања, смартфоните со оперативен систем „Фајрфокс“ беа наменети примарно за пазарите во развој, како што се Индија и Индонезија, каде уредите се продаваат по ниски цени, дури и по 25 долари.
Но, во тоа немаше голем успех, бидејќи се увиде дека не е лесно да се произведуваат евтини уреди со оперативен систем „Фајрфокс“.
Компанијата реши повторно да се фокусира на веб броузерот „Фајрфокс“, додека 50-те вработени кои работеа на развојот на истоимениот оперативен систем и на проекти поврзани за пребарувачот, останаа без работа.
Тоа значи дека уредите како телевизорите на „Панасоник“, кои користат оперативен систем „Фајрфокс“ ќе останат без поддршка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
