Претседателот на ЕК, Жан Клод Јункер и францускиот премиер Бернар Казнев ја предупредија Британија дека условите за преговори за излез на таа држава од ЕУ не може да бидат подобри од оние што ги дава членство во Унијата.
– Прво мораме да разговараме за условите во кои ќе се спроведе напуштањето, и тоа во временска рамка предвидена за разговори, без губење време, изјави Казнев по разговорите со Јункер во Брисел.
Францускиот премиер додаде дека притоа треба да се одбранат интересите на ЕУ таа држава што напушта да не може да има корист од подобар режим од оној на државите членки. Слично предупредување до Лондон упати и Јункер.
– Договорот што еден ден ќе и се понуди на Британија не смее да има толку предности како што има члеснтвото, изјави Јункер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
