Од пред неколку денови речиси во сите угостителски објекти се забранува пушење и на терасите каде што до скоро беше дозволено пушењето.
Законот превидува глоба од 2000 до 4500 евра за правното лице кое го прекршува законот и казна од 500 до 1000 евра за одговорното лице во правното лице.
Угостителите сметаат дека оваа забрана е неправедна, бидејќи терасите не влегуваат во затворениот дел на објектот, иако се оградени со најлон или стакло. Според нив во затворениот дел на објектот се почитува забраната за пушење и истата не треба да важи и за терасите.
За угостителите ова ќе значи сериозен удар врз нивните приходи, додека за граѓаните веќе е вистинско време е да се стави ред на пазарот и законот да важи за сите.
Законот за пушење стапи на сила во октомври 2010 година.
На самиот старт наиде на низа реакции и спротивставен ставови, но со мали измени и корекции истиот важи и се спроведува до денес.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
