Младата репрезентација на Македонија денеска во Нион ги доби противниците во квалификациите за пласман на Европското првенство 2019 во Италија. Македонија е во Групата 7 од квалификациите заедно со селекциите на Србија, Австрија, Русија, Ерменија и Гибралтар.
Веднаш по ждрепката претставниците на сите шест репрезентации, меѓу кои беа и селекторот Благоја Милевски и Саша Ќириќ од Македонија, го дефинираа и комплетниот распоред на натпреварите за пласман на ЕП 2019.
Македонија на 5. септември оваа година ги почнува квалификациите со дуелот против Ерменија на гостински терен, а веднаш потоа прво гостување во нашава земја ќе биде она на Србија на 6. октомври. Квалификациите ќе ги затвориме на 16. октомври следната година против Гибралтар на домашен терен.
РАСПОРЕД НА НАТПРЕВАРИТЕ ВО КВАЛИФИКАЦИИТЕ ЗА ЕП 2019
05. септември 2017: Ерменија – МАКЕДОНИЈА
06. октомври 2017: МАКЕДОНИЈА – Србија
10. октомври 2017: Гибралтар – МАКЕДОНИЈА
14. ноември 2017: МАКЕДОНИЈА – Австрија
23. март 2018: МАКЕДОНИЈА – Русија
27. март 2018: Австрија – МАКЕДОНИЈА
07. септември 2018: Србија – МАКЕДОНИЈА
11. септември 2018: МАКЕДОНИЈА – Ерменија
12. октомври 2018: Русија – МАКЕДОНИЈА
16. октомври 2018: МАКЕДОНИЈА – Гибралтар
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
