Вкупно 17.600 тони тутун или речиси 90 отсто од очекуваната реколта се преземени заклучно со 24 јануари, на половина од крајниот рок за откуп.
Според Министерството за земјоделство, шумарство и водостопанство (МЗШВ), просечната откупна цена е 193,84 денари по килограм. Исплатата е реализирана 90 проценти, односно досега се исплатени 3,56 милијарди денари. Субвенциите за тутунот изнесуваат 60 денари за килограм, што значи дека во моментов производителите просечно добиваат по 253 денари за килограм тутун, соопшти МЗШВ.
Во реколта 2016 се очекува да бидат откупени околу 20.000 тони тутун, а краен рок за откуп е 15 март 2017 година
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
