Амнестијата на Заев може да предизвика насилни протести

Ненад Мирчевски

Спе­ци­јал­на­та об­ви­ни­тел­ка Ка­ти­ца Ја­не­ва, ко­ја де фа­кто до­се­га функ­ци­о­ни­ра­ше ка­ко бра­ни­тел на об­ви­не­ти­от Зо­ран За­ев и на не­го­ви­те со­ра­бот­ни­ци, пре­ку ноќ, во уло­га на су­ди­ја, од­лу­чи де­ка слу­ча­јот „Пуч“ ќе би­де пов­ле­чен по­ра­ди не­до­стиг на до­ка­зи. Да би­де­ме на чи­сто. Скан­да­лоз­ни­от по­тег на Ја­не­ва ре­чи­си не из­не­на­ди ни­ко­го – уште од пр­ви­от ден на вр­ше­ње­то на функ­ци­ја­та об­ви­ни­тел­ка­та се од­не­су­ва ка­ко ча­дор на об­ви­не­ти­те или, по­пре­циз­но, ка­ко ме­ха­ни­зам на ча­до­рот, што по­драз­би­ра нив­на за­шти­та и спре­чу­ва­ње на ин­сти­ту­ци­и­те да ја спро­ве­дат прав­да­та.

По­те­гот ду­ри и са­ма­та Ја­не­ва во не­кол­ку неј­зи­ни ин­терв­јуа се оби­ду­ва­ше гор­до да го на­ве­сти, не­ба­ре е ад­во­кат кој ус­пе­ал да го спа­си кли­ен­тот од до­жи­во­тен за­твор.

Ве­ру­вам де­ка и ин­сти­ту­ци­и­те, пред сѐ јав­но­то об­ви­ни­телс­тво, буд­но ги сле­деа сиг­на­ли­те на СЈО и во­оп­што не би са­кал да ве­ру­вам де­ка ќе оста­нат не­ми на овој сра­мен чин. Да би­дам по­пре­ци­зен, оче­ку­вам во нај­ско­ро вре­ме ОЈО со­од­вет­но и на­вре­ме­но да из­ле­зе со ре­ак­ци­ја за овој скан­дал и во нај­кра­ток мо­жен рок да се нај­де ме­ха­ни­зам што ќе овоз­мо­жи про­це­сот да се спро­ве­де до крај, со по­чи­ту­ва­ње на си­те за­кон­ски про­пи­си и нор­ми. Овој пат без од­ло­жу­ва­ња на ро­чи­шта­та за свад­би, се­меј­ни ве­сел­би, сред­би со ам­ба­са­до­ри и што ти уште не…

За по­тсе­ту­ва­ње, СЈО и об­ви­не­ти­те во „Пуч“ го од­ло­жу­ваа слу­ча­јот по­ве­ќе од ед­на го­ди­на. По­точ­но, ро­чи­шта­та беа од­ла­га­ни де­сет па­ти, од кои осум па­ти на ба­ра­ње на об­ви­не­ти­те и Спе­ци­јал­но­то об­ви­ни­телс­тво.

Сѐ што на­пра­ви Ја­не­ва во вр­ска со слу­ча­јот кој ја втур­на др­жа­ва­та во нај­го­ле­ма­та по­ли­тич­ка кри­за од неј­зи­на­та не­за­вис­ност, бе­ше ос­ло­бо­ду­ва­ње на Ве­ру­шев­ски од при­твор, и тоа пред да из­вр­ши увид во до­ка­зи­те и спи­си­те од пред­ме­тот! Уште то­гаш јав­но­ста се чу­де­ше ка­ко спе­ци­јал­на­та про­це­ни де­ка пр­во­о­сом­ни­че­ни­от не тре­ба да би­де ве­ќе во при­твор без да на­пра­ви увид во пред­ме­тот, но Об­ви­ни­телс­тво­то до ден-де­нес по­сто­ја­но ги иг­но­ри­ра овие пра­ша­ња. Во из­ми­на­та­та го­ди­на Ја­не­ва, всуш­ност, во­оп­што не по­чув­ству­ва по­тре­ба да се по­за­ни­ма­ва со го­не­ње на об­ви­не­ти­те. Зо­ран Ве­ру­шев­ски и Зо­ран За­ев не беа по­ви­ка­ни ни­ту на раз­го­вор, а ка­мо­ли да би­дат из­вр­ше­ни пре­тре­си во нив­ни­те до­мо­ви.

СЈО во­оп­што не се по­тру­ди да до­бие од­го­вор на пра­ша­ња­та кој бил ча­до­рот од ко­му­ни­ка­ци­ја­та на Ве­ру­шев­ски на „Скајп“ Што мис­лел Ве­ру­шев­ски ко­га во раз­го­вор со друг осом­ни­чен нај­а­ву­вал гра­ѓан­ска вој­на во Ма­ке­до­ни­ја по ур­нек на Укра­и­на? Кој му ги дал раз­го­во­ри­те и ка­ко би­ле обез­бе­де­ни? Не се оби­де ни­ту да про­ве­ри да­ли осом­ни­че­ни­те чу­ва­ат дру­ги прис­лу­шу­ва­ни раз­го­во­ри, а уште по­мал­ку да по­ба­ра од­го­во­ри од нив на ко­го сѐ му би­ле де­ле­ни и кој сѐ ги по­се­ду­ва?

Во исто вре­ме, Ка­ти­ца Ја­не­ва, ка­ко об­ви­ни­тел кој тре­ба да го истра­жу­ва слу­ча­јот, не смог­на си­ли ни­ту да го пра­ша Зо­ран За­ев со кои стран­ски служ­би се фа­ле­ше и се за­ка­ну­ва­ше за вре­ме на сред­ба­та со то­гаш­ни­от пре­ми­ер Ни­ко­ла Гру­ев­ски? Кој го под­го­тву­вал од над­вор за по­ви­со­ки це­ли за­ед­но со Ха­ра­ди­нај?

Ме­сто од­го­во­ри и до­ка­зи, СЈО по на­лог на ча­до­рот во из­ми­на­та­та го­ди­на иск­лу­чи­во ба­ра­ше на­чин ка­ко да ги ам­не­сти­ра об­ви­не­ти­те. Еден од оби­ди­те за та­кво не­што бе­ше упа­дот во УБК од ка­де што тре­ба­ше да се обез­бе­ди али­би за об­ви­не­ти­те во „Пуч“. Во исто вре­ме, ди­ре­кто­рот на БЈБ, Ми­тко Ча­вков, им по­ра­ча и на неа и на си­те што се за­ин­те­ре­си­ра­ни да се за­бо­шо­ти слу­ча­јот, де­ка до­ка­зи­те про­тив об­ви­не­ти­те ни­кој не мо­же да ги до­ве­де во пра­ша­ње, ни­ту, пак, не­кој мо­же да ги обез­вред­ни!
Це­ли­от до­ка­зен ма­те­ри­јал, ка­ко што об­јас­ни то­гаш Ча­вков во ин­терв­ју за „Ре­пуб­ли­ка“, е при­ба­вен со на­уч­но­фун­ди­ра­ни ме­то­до­ло­гии за ра­бо­та, со што е утвр­де­но де­ка гру­па­та ко­ја ја пред­во­дел Ве­ру­шев­ски го зло­у­по­тре­би­ла си­сте­мот на сле­де­ње ко­му­ни­ка­ции.

На пра­ша­ње­то да­ли МВР мо­же да га­ран­ти­ра де­ка до­ка­зи­те про­тив За­ев и Ве­ру­шев­ски во слу­ча­јот „Пуч“ ќе би­дат без­бед­ни и по пре­зе­ма­ње­то на до­ку­мен­та­ци­ја­та и раз­го­во­ри­те од СЈО, од­нос­но де­ка ори­ги­на­ли­те не­ма да би­дат обез­вред­не­ти и зло­у­по­тре­бе­ни, Ча­вков од­го­во­ри:

„Из­гра­де­ни­те ин­сти­ту­ци­о­нал­ни ка­па­ци­те­ти са­ми по се­бе се га­ран­ци­ја де­ка до­ка­зи­те што се обез­бе­де­ни на за­ко­нит на­чин и со си­лен ин­те­гри­тет зас­но­ван на раз­ви­е­ни со­вре­ме­ни стан­дар­ди за по­ли­ци­ско ра­бо­те­ње, ка­ко и ка­па­ци­те­ти­те на се­кто­рот за бор­ба про­тив комп­ју­тер­ски кри­ми­нал и комп­ју­тер­ска фо­рен­зи­ка, ни­ту не­кој мо­же да ги до­ве­де во пра­ша­ње ни­ту не­кој мо­же да ги обез­вред­ни. На експ­ли­ци­тен на­чин со на­уч­но­фун­ди­ра­ни ме­то­до­ло­гии за ра­бо­та, всуш­ност, овоз­мо­жу­ва­ат ре­кон­струк­ци­ја на са­ми­от по­че­ток од аген­тур­но­то и суб­вер­зив­но дејс­тву­ва­ње на гру­па­та ко­ја ја пред­во­дел Ве­ру­шев­ски при зло­у­по­тре­ба­та на си­сте­мот за сле­де­ње на ко­му­ни­ка­ци­и­те, за што, впро­чем, има и пра­во­сил­на пре­су­да ка­ко ре­зул­тат на спо­го­ду­ва­ње за ви­на“.

Во окол­но­сти ко­га очиг­лед­но по­сто­јат се­ри­оз­ни до­ка­зи про­тив об­ви­не­ти­те, со скан­да­лоз­ни­от по­тег Ја­не­ва са­мо го нав­ле­ку­ва гне­вот на гра­ѓа­ни­те кои две го­ди­ни ја то­ле­ри­ра­ат ан­ти­др­жав­на­та по­ли­ти­ка на За­ев и не­го­ви­те со­ра­бот­ни­ци. Ре­вол­тот е до тол­ку по­го­лем за­тоа што на­ро­дот то­гаш бе­ше сми­ру­ван и убе­ду­ван од си­те по­ли­тич­ки суб­је­кти де­ка прав­да ќе има за се­ко­го по ин­сти­ту­ци­о­на­лен пат. Ток­му за да се сми­ри тен­зи­ја­та и да се из­бег­нат кр­ва­ви сце­на­ри­ја бе­ше при­фа­те­но истра­га­та за пред­ме­ти­те по­вр­за­ни со не­ле­гал­но прис­лу­шу­ва­ни­те раз­го­во­ри да ја во­ди не­за­вис­но те­ло кое не­при­страс­но и врз ос­но­ва на сил­ни до­ка­зи тре­ба це­лос­но да го рас­чи­сти слу­ча­јот. За це­ли­от тој пер­и­од, по­ве­ќе па­ти пре­ду­пре­ду­вав де­ка ка­ков би­ло обид за из­бег­ну­ва­ње на прав­да­та ќе пре­диз­ви­ка же­сто­ки ре­ак­ции на гра­ѓа­ни­те, чиј­што гнев мо­же мно­гу лес­но да се из­лее на ули­ци­те! Ме­сто но­ви про­фе­си­о­нал­ни стан­дар­ди, СЈО уште од пр­ви­от ден при­ме­ну­ва­ше двој­ни стан­дар­ди и се­ле­ктив­на прав­да. Од нив­ни­от иск­лу­чи­тел­но при­стра­сен при­стап кон истра­ги­те про­из­ле­зе и вто­ра­та ам­не­сти­ја на За­ев, ко­ја пак (не)слу­чај­но е ис­по­ра­ча­на на го­лем вер­ски праз­ник (пр­ва­та од Цр­вен­ков­ски се слу­чи за Илин­ден). Не­го­во­то но­во по­ми­лу­ва­ње од те­шко кри­вич­но де­ло мо­же мно­гу лес­но да ги из­ва­ди гра­ѓа­ни­те на ули­ца и да пре­диз­ви­ка гра­ѓан­ски бунт про­тив не­го­ви­те за­штит­ни­ци. Та­ка, ме­сто крај, СЈО со бу­џет од 4 ми­ли­о­ни евра на­род­ни па­ри за ед­на го­ди­на ус­пеа да ни ис­по­ра­ча са­мо по­че­ток на но­ва фа­за во по­ли­тич­ка­та кри­за за ко­ја е ви­но­вен ни­кој друг, ту­ку лич­но Зо­ран За­ев.

Ставовите искажани во рубриката Колумни се лични ставови на авторите и не се автоматски и ставови на редакцијата на Republika.mk. Редакцијата на Republika.mk се оградува од ставовите во објавените колумни, а одговорноста за изнесеното во нив е исклучиво на авторот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.