Големиот христијански празник Богојавление-Водици одблежан беше и во Дебар, но за првпат немаше кој да скока по светиот крст. Тоа е поради фактот што во градот има сѐ помалку млади луѓе.
Инаку, традиционално православните верници во Дебар беа во црквата „Света Петка“, каде беше одржана света литургија, со која чиноначалствуваше намесникот на Дебарската парохија, Миле Ангеловски.
Тој, потоа ја освети водата во базенот во дворот на црквата. Бидејќи немаше пријавени светиот крст не беше положен во осветените води, но верниците по традиција зедоа од осветената вода.
И намесникот и присутните верници си го честитаа празникот со желби и молби до Бога за здравје и бериќет.
По повод Водици заживеаа селата од поширокиот регион, каде дојдени се пораншни жители и нивните потомци. Посебно, по празнувањето се препознатливи повеќе села, пред сѐ Битуше, Горенци, Гари и Долно Мелничани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
