Меси ги прекина сите шпекулации: Во Барселона ќе останам додека тие сакаат

Еден од најдобрите фудбалери на светот на сите времиња, Аргентинецот Лионел Меси во денешното интервју за магазинот „Коуч“ ги прекина сите шпекулации околу неговото заминување од Барселона на крајот од оваа сезона.

Тој истакна дека Барселона му дала се во кариерата и дека неговата желба е да игра до крајот на кариерата во каталонскиот гигант. Но сепак не ја исклучува можноста за трансфер доколку од управата на клубот решат дека повеќе не им е потребен во тимот.

– Од секогаш сум кажувал дека Барселона ми даде се во мојата кариера и ќе останам во клубот се додека тие ме сакаат изјави Меси.

Меси ги прекина преговорите за продолжување на договорот, но претседателот на клубот Бартомеу изјави дека воопшто не е загрижен за тоа и потписот од страна на Меси е само прашање на време. Неговиот договор истекува на крајот од следната сезона, а катаонските медуими истакнуваат дека тој е лут затоа што управата воопшто не го контактирала неговиот менаџер. Тие одат и дотаму што Барселона веќе е решена да го продаде Меси на крајот од оваа сезона и да го направи најголемиот трансфер во историјата на фудбалот.
Ваквите шпекулации излегоа на површина особено по поразаот на неговиот поранешен ментор Пеп Гвардиола во Премиер лигата.

Тој не ја крие желбата да го доведе Меси во Манчестер Сити и будно ја следи разврската околу состојбата за новиот договор. Аргентинецот е уверен дека Пеп ќе успее и ќе се наметне во најсилната лига во светот.

Тоа е многу комплицирана лига, минатата сезона тоа го покажа. Секако Пеп е многу успешен тренер и уверен сум дека ќе оствари успех.

Еден од најдобрите фудбалери на крајот од интервјуто за „Коуч“ се осврна и на ривалитетот со Кристијано Роналдо со кого во последните 10 години се најдобрите во светот.

– Постои голем взаемно почитување. Кристијано го ценам како еден од најголемите фудбалери кој постигнал големи работи во кариерата. Освои многу трофеи до сега. Мојата мотивација за поголем успех доаѓа со желбата да постигнам повеќе со барселона и со мојата репрезентација – заврши Меси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.