Смрзнати и прегладнети: Мигранти во Белград палат што ќе стигнат за да се згреат (Фото)

Централната станица во српската престолнина е буквално преземенa од смрзнати и прегладнети мигранти.

Мигрантите, претежно од Авганистан и Пакистан, се обидуваат да се згреат. Палат огнови од што ќе го најдат.

Тие се блокирани во Србија, бидејќи Балканската рута кон Западна Европа е затворена.

Стотици мигранти чекаат за храна при ниски температури во стар магацин на железничката станица.

Волонтери им делат по едно јадење на ден на раселените луѓе кои се сместиле во областа.

-Немаме што да облечеме, немаме ќебиња, немаме подобро место за спиење, немаме бања, немаме ништо – вели мигрант од Авганистан.

Во моментов на територијата на Србија има околу 8.000 мигранти, кои не можат да го продолжат патот кон Европа. Само во Белград нивниот број е околу 2.000.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.