Маврово: На -12 останале заглавени на жичницата, па скокале од неа

Од три метри висина скокале во снегот во Маврово бидејќи останале заглавени во жичницата на рекордно ниските температури. Оваа драма се одвивала денеска во скијачкиот-центар Маврово, а ја раскажува момче за Телеграф.мк кое сака да остане анонимно.

– Од три метри висина скокнав во снегот, не се издржуваше од што беше ладно. Мислам дека имам мала набиеница, но беше премногу ладно за да седам на високо. Бевме заглавени половина час, вели еден од скијачите.

Жичницата застанала откако денеска околу 11 часот снемало струја во скијачкиот центар. Од ЕВН потврдиле дека има прекин во напојувањето и дека се испратени екипи да проверат што е причината за дефектот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.