Македонија од 162. место на ранг-листата на ФИФА ја почнува 2017 година

Фудбалската репрезентација на Македонија ја почнува 2017 година на 162. место, идентична позиција на која и ја заврши минатата година на листата на ФИФА. Без активности во изминатиот период, речиси нема раздвижување на рангирањето што секој месец го прави Светската фудбалска организација.

Шпанија е рангирана на 10. место, Италија е на 16. позиција, Албанија забележа пад за две позиции и сега е на 51. место, Израел е 55., додека Луксембург е рангиран на 188. место.

Најдобропласирана е селекцијата на Аргентина, на второто место е Бразил, а третата позиција ја има Германија. Меѓу првите десет селекции се и Чиле, Белгија, Колумбија, Франција, Португалија, Уругвај и Шпанија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.