Вкупно 14.588 тони тутун од годинашната реколта се откупени до денеска, а просечната цена е 192,08 денари по килограм, соопшти Министерството за земјоделство, шумарство и водостопанство.
Деветте компании за месец и половина или од почетокот на откупот, 15 ноември, презеле 75 отсто од очекуваните количини. Исплатата е реализирана 93 проценти, на тутунарите им се префрлени 2,612 милијарди денари.
– Субвенциите за тутунот изнесуваат 60 денари што значи дека во моментов производителите просечно добиваат по 252 денара за килограм, информира МЗШВ.
Според првичните проценки, во реколта 2016 се очекува да бидат откупени околу 20.000 тони тутун. Договор потпишаа 10 претпријатија, од кои девет го исполнија условот за откуп – заклучно со 15 декември доставија банкарска гаранција дека обезбедиле средства за таа намена.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
