Турските власти се мошне близу до тоа да го идентификуват напаѓачот, кој за време на новогодишната ноќ уби 39 и рани 69 лица во ноќен клуб во Истанбул, изјави денеска заменик-турскиот премиер Нуман Куртулмуш.
– Информациите од отисоците и изгледот на терористот се собрани. Тој наскоро ќе биде идентификуван, рече Куртулмуш на прес-конференција.
Тој нагласи дека е јасно оти интервенцијата на Турција во Сирија ги „изнервирала“ терористичките групи и оние кои ги поддржуваат и додаде дека Турција ќе ги зајакне своите воени операции во Сирија.
– Ова беше порака за нашата прекугранична операција Еуфратски штит. Ќе продолжиме со нашите операции и со нашата одлучност, рече тој.
Во нападот на ноќниот клуб во Истанбул во новогодишната ноќ загинале 39 лица, а за нападот одговорноста ја презеде Исламска држава, која соопшти дека тоа е одговор на интервенцијата на Турција во Сирија.
– Вонредната ситуација во Турција ќе продолжи колку што ќе биде потребно, рече Куртулмуш.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
