Додека чекале Нова година, арамија им украл 5.000 евра

Пет илјади евра се украдени од куќа во Виница на новогодишната ноќ, информира денеска Министерството за внатрешни работи.

Според МВР, З.М. (42) во Полициската станица Виница телефонски пријавил дека во периодот од 22 часот на 31 декември до 00:15 часот на 1 јануари непознат сторител извршил тешка кражба во неговата куќа.

– Сторителот, преку необезбедена гаражна врата, влегол во дворот, а потоа со употреба на алат ја отворил влезната врата од куќата, се качил на катот од куќата, извршил пребарување и одзел околу 5.000 евра, по што побегнал во непознат правец. Се преземаат мерки за пронаоѓање на сторителот и за целосно расчистување на случајот, соопшти МВР во редовниот Билтен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.