Седумгодишно дете од Тетово се здобило со тешки телесни повреди откако во него удрило автомобил „пежо“ управуван од 26-годишен жител на Бродец.
Детето со скршеница на десната натколеница е префрлено во Клиничката болница во Тетово каде му е укажана лекарска помош по што е препратено на скопските клиники за да му се изврши хириршка интервенција.
Потпаролот на СВР Тетово, Марјан Јосифовски информира дека незгодата се случила вчера околу 13 часот на булеварот „Видое Смилевски – Бато“ во близина на вулканизерска работилница.
Увид на местото на несреќата извршила екипа на СВР Тетово и според првичните информации причина за сообраќајката е неприлагодена брзина.
Ова е втора сообраќајка на истиот булевар со пешак откако во средата Христо П. (39) од Тетово почина како последица на ударот од автомобил „фолксваген поло“ управуван од Б.А.(21) од Тетово.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
