Гарантирањето на безбедноста на денот на стапувањето на должност на Доналд Трамп како претседател на САД може да се покаже како најсложената задача во современата историја, пишува весникот „Њујорк тајмс“, повикувајќи се на извори, кои учествуваат во подготовката на церемонијата.
Над 30 државни агенции ќе бидат задолжени за безбедноста за време на инаугурацијата на 20 јануари, кога се очкува во Вашингтон да се соберат голем број противници, но и околу милион поддржувачи на Трамп.
Агенциите се загрижени поради опасноста од конфронтации меѓу групите Американци, кои се уште се длабоко поделени по изборите, во момент кога милиони луѓе во светот ќе го следат тоа што се случува во Вашингтон.
Над 3.200 полицајци од целата земја и околу осум илјади членови на Националната гарда ќе бидат распоредени за да помагаат во контролата на движењето на луѓе и превозни средства во градот.
Уште пет илјади војници ќе бидат ангажирани да пружат помош за гарантирање на безбедноста, додава весникот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
