Поранешниот португаласки претседател Марио Соареш е во кома

Поранешниот претседател на Португалија, Марио Соареш, (92) се наоѓа во критична состојба и е во кома, соопштија од болницата на Црвениот крст во Лисабон.

-Соареш се наоѓа во многу критична состојба, во длабока кома, а прогнозите се неизвесни, рече портпаролот на болницата, Хозе Барата, пренесоа француските медиуми.

Поранешниот претседател од 13 декември е на интензивна нега во болницата.

Според портпаролот, неговото здравје првично се подобрило, но во саботата дошло до нагло влошување на состојбата.

Соареш беше претседател на Португалија од 1986 до 1996 година, а пред тоа бил и премиер, како и министер за надворешни работи.

Тој е основач на Социјалистичката партија на Португалија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.