МКУД „Цветан Димов“ одбележува 40 години постоење

Во Домот на Армијата вечерва, со почеток во 18 часот, Младинското културно уметничко друштво „Цветан Димов“ ќе одбележи 40 годинипостоење.

Младинското културно уметничко друштво Цветан Димов од Општина Карпош е формирано во 1972 година. Од тогаш па до ден денешен во своите програмски активности го негува и презентира прекрасниот македонски фолклор.

Досега има освоено бројни домашни и меѓународни награди од кои ја издвојуваме првата награда на Славјански Базар во Република Белорусија. Наградата е освоена во конкуренција од 1000 селектирани фолклорни ансамбли од целиот свет. Ансамблот одржал повеќе од 400 концерти и неговите настапи ги следеле повеќе од еден Милион гледачи.

-Денешнава генерација успешно ја продолжува традицијата која ансамблот Цветан Димов ја негува и со своите настапи потврдува дека поседуваат силна вредност која носи одлични постигнувања. Особено сме горди на детскиот меѓународен фолкорен фестивал познат со наслов “ Од цвет на цвет со оро и песна “ . Овој фестивал досега е одржан 19 патти по ред и годинава 2016 не очекува негово 20 збиднување. На досегашните фестивали земале учество повеќе од 2000 иљади учесници од многу Европски држави, а посебно сакаме да истакнеме дека на гости во Македонија ни дошол и детски ансамбл од Индонезија , што доволно говори за популарноста на нашиот детски фестивал, велат оттаму.

Во ансамблот Цветан Димов членувале повеќе од 3000 члена кои посветено и со голема љубов ја негувале македонската фолклорна традиција. Во моментот во ансамблот работат околу 150 члена групирани во неколку ансамбли. Ансамблот на својот репертоар негува исклучиво изворна македонска игра и песни и е еден од ретките кои автентично ја презентираат својата програма.

Во ансамблот постои школа за изворни инструменти каде со Академски професор се изучуваат и свират инструментите, кавал, тамбура, гајда и тапан.

-Нашиот оркестар на изворни инструменти е повеќе годишен Републички првак и освојува први награди на меѓународни фестивали. Секако сите успеси ги врзуваме со институции кои безрезервно ја подржуваат програмата на ансамблот и тоа ни овозможува квалитетна работа, велат од ансамблот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.