450 Дедо мразовци се натпреваруваа во три категории

На плоштад Македонија во склоп на Новогодишен базар „Подари среќа“ се одржа третата по ред Дедомразовска трка. 450 Дедомразовци се натпреваруваа во три категории на трката која беше долга 2 километри.

Победниците од категоријата на млади од 3 до 1 место беа: Ива Цветковска, Калина Марковска и Марко Јовановски. Во категоријата женски 3 место освои Ивана Кипријановска, 2 место освои Тамара Славевска и 1 место освои Рената Соколовска. Во категоријата мажи 3 место освои Богдан Цветковски, 2 место освои Атанас Анчевски и 1 место освои Дарио Ивановски.

Учесниците ја започнаа трката во 12.00 часот и истрчаа 2 километри. На најдобрите им се доделија награди и медали од страна на претставници од Град Скопје, Конгресен центар „Александар Македонски“ и Кока – Кола. За другите имаше организирано лотарија и им се доделуваа разни подароци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.