Кејт и Вилијам сами за празниците – нема да слават со кралицата

Кејт Мидлтон и принцот Вилијам празниците ќе ги минат во друштво на семејството на Кејт. Со тоа тие го прекршуваат традиционалниот кралски протокол.

Релаксирана празнична атмосфера би била многу подобра варијанта за децата – за Џорџ и за Шарлот, отколку строга формалност во кралскиот имот во Сандрингем.

Инаку, Божик во Сандрингем се организира слично како воена операција, треба да се знае прецизно се од времето кога пристигнуваат гостите, кога појадуваат, кога ги шетаат кучињата, кога се собираат за ручек и кога си легнуваат. Дури и ручекот на денот на Божик е строго определен – трае 50 минути.

Што се однесува до празнувањето во семејството Мидлтон, Пипа, сестрата на Кејт, атмосферата ја опишала како „блажено смирена и многу забавна“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.