Принцот Чарлс предупреди на опасноста од религиозните прогонувања

Британскиот престолонаследник, принцот Чарлс, предупреди денеска на заканата – религиозните прогонувања да предизвикаат повторување на стравотиите од минатите времиња.

Во својата божикна порака, преку радио „Би-Би-Си“, Черлс рече дека растежот на популизмот и агресивноста на популистичките групи кон малцинските религии претставуваат длабоко вознемирувачко ехо на мрачните времиња од триесеттите години на 20 век.

Тој побара од луѓето да имаат почит кон оние со поинаква религија и вероисповед потенцирајќи дека религиозната слобода за некои верници честопати е избор меѓу животот и смртта.

Изминатите недели принцот се сретнал со еден езуитски свештеник од Сирија кој му ги опишувал прогните на христијаните, кои поради тоа мораат да избегаат од својата земја и од своите домови.

Свешетеникот го информирал принцот за масовните киднапирања на христијаните, што предизвикува масовен страв кај верниците, па тој предвидува дека во рок од пет години би можело да се случи во Ирак да нема повеќе христијани.

Според британскиот принц, религиозните прогонувања се раширени насекаде низ светот и со тоа не се опфатени само христијаните, туку и припадници на други помали религиозни групи.

– Роден сум по Втората светска војна кога генерацијата на нашите родители се бореше против настојувањето да се истребат Евреите од Европа. 70-години подоцна, се уште гледаме како злото на прогонувањето не е исчезнато – вели Чарлс во својата порака.

Тој потсети дека и пророкот Мухамед емигрирал од Мека и од Медина затоа што барал слободи за себе и за своите религиозни следбеници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.