Фолк ѕвездата Цеца Ражнатовиќ реши да го прекине заветот на молчење и после 18 години да раскаже се за пријателството меѓу Жељко Ражнатовиќ и Зоран Ѓинѓиќ.
Таа за српски Курир раскажала дека нејзиниот покоен сопруг Аркан му помогнал на покојниот премиер Зоран Ѓинѓиќ да го спаси животот така штои го префрил во Црна Гора 1999 година, во време на бомбардирањето на Србија.
Цеца навела дека Ѓинѓиќ и Аркан биле пријатели уште од времето додека убиениот премиер студирал во Германија.
-Вистина е дека мојот покоен сопруг му помогнал на Ѓинѓиќ да се засолни во Црна Гора. Зоран и Жељко биле пријатели уште од времето кога Ѓинѓиќ студирал во Германија. Во прилог на нивното долгогодишно пријателство можеби најдобро говори фактот што на денот кога мојот маж беше убиен, меѓу првите во нашата куќа дојдоа Зоран и Ружица. Тој човек иако беше во опозиција дојде да му упати последен поздрав на својот пријател. Беше храбар, имаше став – рекла Цеца
Аркановата вдовица мисли дека надлежните останале должни во врска со позадината на убиството на премиерот.
-Сметам дека позадината на атентатот на премиерот треба да ја утврдува обвинителството и надлежните државни институции, но исто така и очекувам конечно да се најдат убијците на претседателот на српската влада, како и оние кои го наредиле убиството на мојот сопруг- рекла Цеца.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
