Уште еден Албанец убиен во Сирија

Во борбите во сирискиот град Алепо загинал уште еден државјанин на Албанија, објавија денеска албанските медиуми.

Како што јави дописникот на МИА, станува збор за 44-годишниот Хамит Муслија од Тирана, чиј идентитет е потврден преку копијата на неговиот пасош, што ја објавија сириските владини сили.

Муслија на исламистичките борци во Сирија им се придружил во јануари 2013 година, откако за патување во регионот добил виза од Амбасадата на Саудиска Арабија.

На сириското боиште заминал заедно со уште тројца млади Албанци, поттикнати од сега осудениот самопрогласен имам Генц Бала.

Сопруга Вебије, заедно со четирите деца, му се придружила во средината на јули 2013 година и според информациите на надлежните служби, не се вратила во Албанија.

Името на Хамит Мусија првпат јавно беше споменато во текот на истрагата против деветмината имами-исламисти на кои неодамна им беше потврдена затворската казна во вкупен износ од 109 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.