Најстудено во Берово и Скопје, дневните темепратури до 10 степени

Утрово во Берово и Скопје – Петровец е најладно, – 9 степени, а максимални два степена се измерени во Дојран.

Како што соопшти УХМР, во Маврово, Куманово, Лазарополе и Крива Паланка е минус осум, во Штип, Демир Капија, Тетово и Пожаране минус седум, во Скопје – Зајчев Рид, Струмица, Дебар, Прилеп, Битола и Крушево минус шест, во Ѓуриште минус пет, во Претор и Тополчани минус четири, во Виница минус три, во Охрид минус два и во Гевгелија минус еден степен.

Времето во текот на денот ќе бисе сончево со слаба магла по одделни котлини. Темпеатурата ќе достигне од 5 до 10 степени.

Во Скопје слично време со температура до 6 степени.

Утре се очекува сончево време со мала до умерена облачност кон крајот на денот. По котлините ќе има услови за претпладневна магла. Утринската температура ќе биде од -9 до -1, а дневната од 9 до 15 степени. Во Скопје температурите ќе бидат од -7 до 10 степени.

Според УХМР, до недела ќе се задржи сончево со услови за појава на претпладневна магла по котлините. Утрата и понатаму ќе бидат многу студени, додека дневната температура од утре ќе биде во позначителен раст. Од понеделник ќе има зголемување на облачноста и повторно опаѓање на дневната температура придружено со умерен до засилен северен ветер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.