Заедница на Македонци од Данска: Крајно кукавичка и поразителна кампања на опозицијата

Заедницата на Македонци од Данска на неколку дена пред завршувањето на изборната кампања реагира на според нив, „крајно кукавичката и поразителна кампања на опозициската коалиција предводена од СДСМ“.

-Со огромно разочарување ги следиме срамните јавни настапи на господинот Заев на митинзите на СДСМ дека не се залага за федерализација и дека нема да го промени Уставот на Р. Македонија, а во исто време на повеќе настапи по национални и странски телевизии, како и на средби со албанската дијаспора, јавно заговара промена на Уставот, двојазичност на целата територија на Република Македонија како и федерализација на нашата татковина – велат Македонците од Данска.

Во предвечерието на овие референдумски избори, нагласуваат тие, македонскиот граѓанин е повторно пред големо искушение за зајакнување на нашиот интегритет и суверенитет и по којзнае кој пат повторно гордо ќе се справи со нашите домашни предавници и странски емисари. Македонската дијаспора како нераскинлив дел од македонското ткиво, категорично се спротивставува и ќе се спротивставува во иднина на секој обид за федерализација и кантонизација на Република Македонија.

-Македонија и после овие тешки искушенија повторно ќе се надкрене уште посилна давајќи им до знаење на сите домашни и странски непријатели дека сме поминале и уште потешки времиња од ова и дека секогаш сме опстојувале. За Македонија се работи – порачуваат Македонците од Данска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.